بعض العرب

‫#‏بعض_العرب

اعلمك يا صاحبي كيف يصنع الحرف؟

ولا بلاش الصحبة، مجرد خرافة!

مدام عيني بوسعها تذرف الدمع ذرف؟

نفسي بالمثل على مايزعجها ذرافه،

تعمد النسيان والطيب والكرم والصرف،

راسي عليهم.. معروف باسرافه!

انا الكتاب الوحيد ، اخر الرف ،

الي جمع معلومات الكتب والصحافة،

قف، بحجت الدين والمنطق والعرف!

مأكل رجل يقدم لك معنى وإضافة ،

الطيب الي يشوم عن علوم القرف،

في طريقه للعالى تعدى كل آفه !

تجيه الرسايل، مايفتح الزرف ..

ماهو بحاجة مدح الردي واعترافه!

ومن فكر يدوس له على طرف !

ينداس المعتدي من جميع اطرافة

انتبه تعيش دور الكامل الترف ،

الي يقلب راسه سوات الزرافة !

يشوف من فوق، ولايقدر الظرف!

ينسى، ولاحدن عينه ولا شافه ..

تكلم عن الراحة لا جربت الكرف!

وانتبه تحب الشيء ثمن تعافه ؟

لاطال الكلام اغرف الزبدة غرف

وتعلم فنون الاختصار واحترافه!

العنوان غالبًا مضمون ( الظرف) !

وماتشوفه صح.. يعلن انحرافه !

الطيب يموت والقبر يجرفه جرف

والردي يبقى، كن الموت يخافه !

يا جاهل فنون العطف / والصرف؛

لاتخلط بين الأدب.. والضرافة !!

مشاري البرقاوي

Twi : @M_alrqawi